ورا

كنت بوصف لواحد مكان وافتكرت حاجة زريفة، كنت عايز اوصفله مكان يملا منه الولاعة الغاز بتاعته ام جنيه ونص، فقعدت أقوله: المحل في البيت اللي ورا اللي ورا البيت اللي ورا البيت اللي ورا البيت اللي ساكن فيه الواد عفتجي اللي ورا بيت نور اللي ورا بيت البنت لوزي بتاعة كلية الاثار ورا بيت وليد الحلاق، ورا الشارع السد اللي بيلعب فيه حوده وزيكو كورة شراب ورا مصنع اللبسة اللي وراه بحاجة بسيطة كهرمانة بتاع الفطير ورا سيد القصبجي ومولي البيتزجي، على الناصية اللي ورا قهوة أبو لبن ورا مستشفى اليوم الواحد، ورا بيت لبنى (زبزبة)...
وبعدين سكت لحظات، هي ليه سموها زبزبة؟؟ أكيد عشان يوم الزلزال نزلت شبه نيكيد في نص الشارع اللي ورا بيت الولا لؤي اللي وراه عم محمد بتاع العجل على ناصية كدة واخدة كيرف صغير ورا هيطة بتاع النت...
أما الواد هيطة ده عمل شوية فلوس!!، النت الوحيد في مصر اللي سمح ان الزبون يفك بلياردو في المحل، لأ والمكان مجهز كمان، فيه كابينة كدة العيال هدهد ونفتالين كانوا مقضينها بلياردو في التمانيات... الكابينة دي كات فيميه كده خفيف بس عالشارع، كنت ممكن تشوف منها البت اللي بيسموها نوجا، بت بس صايعة نيل ومش سهلة كدة برضه في التمانيات.. عندها واحدة صاحبتها ساكنة ورا العمارة البمبي الخنيقة الي ورا عمارة سكن الطالبات، وما أدراكا بقة السكن دة، أنا سمعت الواد كديانة العرس كان بايت فيه ليلتين، مش فاهم ازاي وبيعمل ايه.. تلاقيهم كانوا مركبين جوة دا حتى أشكالهم تبضن الحرمة..

معرفتش اوصفله

كشف حمامة للوطن العربي

الوطن العربي الحبيب عامل كالجسد.. الواحد.
الجسد ليه راس، ايدين، رجلين و(حمامة)و(مؤخرة)
ومنذ قديم الأزل، تم عمل كشف حمامة للوطن العربي أمام أنظار جميع شعوب العالم، وبعد أن اتضح أن الحمامة غلبانة ليس لها أي دور، تم استئصالها بشكل نهائي لا يقبل الرجوع، فأصبج الوطن العربي بلا حمامة.

ومنذ أربع سنوات بالتمام والكمال، خشيت جماعة لا تخشى في الله لومة لائم أن الحمامة تكون طلعت من العدم، فانهالت على الجسد العربي بأشد صنوف الشراسة، وفي هذه المرة سقط اللباس العربي خانعا أمام الإرادة البشعة لقساة القلوب والحمامات.. وبعد أن أزيح الستار (تلقائيا بالمناسبة) عن عورات الجسد العربي، اتضح أن الحمامة ما زالت مفقودة، بل وتكون حول مكانها تصدع رهيب يشبه الى حد كبير ذاك التصدع الموجود بالمؤخرة.

كشف الستار، وسقط اللباس وظهر الجسد العربي وكأن له بدل المؤخرة مؤخرتان، اتضح يا سادة أن هناك أربعة أشطار متساوية في المساحة ومكتملة النمو وتؤدي نفس الوظيفة تقريبا في الجسد العربي.

وهاتك يا كييييك من ساعتها.

حياة الليل

أبضن خمسين شخصية في التاريخ

فيه كتب كتير عن الشخصيات المهمة في التاريخ، بس مفيش حد اهتم بالشخصيات البيضان..
دي حاجة غريبة، المفروض يا جماعة يكون فيه اهتمام أكتر من كدة بالبيضان، وانا شايف ان الشخصيات البضينة ليها تأثير كبير على مجرى الأحداث أكتر من الشخصيات اللزيزة... عيلة بوش مثلا أكبر دليل على كلامي، بضنواعلى البشر كلهاولسة بيبيضوا كمان ومش عارفين حنخلص من بيضانهم امتا..

الخابور

البعض بيستخف بالخوابير اللي الناس حواليه بتاخدها وبيعتقد انه في مأمن من خوابير مماثلة.
المشكلة ان هنالك ناس مش بس بستخف، دي كمان بتظهر الفرح والسرور لما يشوفوا الخازوق من دول مستلم حد قدامهم، ويقولوا ان البني ادم بيتخزوق لأنه حمار.

لو عمرك شفت واحد بيتخزوق قدام عنيك، لازم تاخد كير كويس، الخازوق لابسك انت كمان.

الحشيش الأخضر

ليبا من البلدان اللي الحشيش منخشش فيها بشكل غير طبيعي.. سألت مرة واحد ليبي، ايه احساسك والريس بتاعك هوه وولاده بيستسمروا فلوس البترول البنت بتاعكو في نادي يوفنتوس سيء السمعة، وكله على حساب خزينة الدولة الجماهيرية المفشوخة العظمى...
الليبي قللي كلام مفهمتوش كدة بس متهيألي كان بيقول انه حاسس بالبهجة. طبعا لا يمكن الشعب الليبي يكون طبيعته كده، لازم يكون فيه حاجة بتخليهم عاليين أوي.

العقيد المعمر الليبي عليه مفضي دماغه خالص، عندك مثلا فكرة اسراطين. مش ممكن طبعا يطلع بالفكرة منغير ميكون قاعد بيفسي في الحمام. المشكلة انه مش معترف بموضوع الحمامات دة، هوة بيضرب كل حاجة في الخيمة، ربنا يكون في عون الرؤساء وملكات الجمال اللي بيزوروه.

وعنده ولدين لهاليب بيعملوا كل حاجة في أي عبط، مثلا في واحد فيهم، عضو مجلس ادارة نادي يوفنتوس، ورئيس الاتحاد الليبي لكرة القدم، ورئيس نادي الاتحاد الليبي، ولعيب محترف في نادي بيروشيا الايطالي!!! المهم انه الولد اتمسك بيضرب منشطات واتوقف في الدوري الايطالي قبل كدة!!!
الطلاينة دول حمير على فكرة، دي مش منشطات، دا حشيش.

أما أهم عمل فني طلع بيه البيج بوس ابو العيال، فكان ديفينيتلي الكتاب الأخضر. مش ممكن ده يكون نتاج صدفة، دة بيور حشيش من النوع الفاخر اللي بيخلي المسطول من دول يزرط من دماغه ويفكر بلباسه. الكتاب كله من عينة:
الهبل هو انك تستهبل وتسوق الهبالة على العبط
الخروف هو حيوان مستأنس ممكن تاكله وممكن ينطحك
كيس الجواف عبارة عن كيس وفيه جوافة
الراجل مش ست والست مش راجل، وسمعونا سقفة للنبي

طبعا بعد ما كتب الكتاب بتاعه الدنيا اتقلبت، منظمات عالمية لدراسة الكتاب الأخضر، ومجموعات في جميع أنحاء العالم مهتمة بتطبيق أفكار وتحركات القذافي، العقيد فسى، العقيد بيتسير، الأخ القائد بيطرطر... أي تي سي

اللي مقراش الكتاب الأخضر أنصحه انه عمره ما يقراه، الحشيش ممكن يجيب نتيجة مباشرة أكتر من الكتاب.

العيال كبرت

مرتضى ضد القذافي - مواجهة محتومة

زريط الحزينة

بالرغم من ان الدنيا مليانة حاجات انترستنج، أكتر حاجة لفتت انتباهي امبارح وانا راكب أوتوبيس نقل عام هية نظرتها الحزينة. بنت مصرية بملامح أورومتوسطية تبلغ من العمر بيضع وعشرين سنة. من فرط دهشتي من جمال مقاطعها اتأملت في ملامحها لدرجة مكنتني من تفهم حالتها النفسية اللي كان باين إنها سيئة.

البعض حيفتي ويقول مش ممكن تكون بنت بريئة وحزينة، أنا معاك يا فريند بس خليك مطرحي، اوتوبيس نقل عام والناس رايجة القناطر، وكله بيهيص ومفرفش، وكمسري دمه خفيف عامل شغل، الريحة دي جية منين؟؟؟؟